കണ്ണമംഗലം: സംസ്ഥാനത്ത് അവശ്യസാധനങ്ങളുടെ വില കുതിച്ചുയരുന്ന സാഹചര്യത്തിൽ വരാനിരിക്കുന്ന ഓണവിപണിയിൽ സർക്കാർ അടിയന്തരമായി ഇടപെടണമെന്ന് എസ്.ഡി.പി.ഐ കണ്ണമംഗലം പഞ്ചായത്ത് കമ്മിറ്റി ആവശ്യപ്പെട്ടു.
സാധനവിലവർധനവിൽ പ്രതിഷേധിച്ച് പഞ്ചായത്ത് കമ്മിറ്റിയുടെ നേതൃത്വത്തിൽ പ്രതിഷേധ പ്രകടനം നടത്തി.
പൊതുവിപണിയിൽ ഇടപെടേണ്ട സപ്ലൈകോ ഉൾപ്പെടെയുള്ള സംവിധാനങ്ങൾ കാര്യക്ഷമമാക്കാനും, നിത്യോപയോഗ സാധനങ്ങൾ സാധാരണക്കാർക്ക് ന്യായവിലയിൽ ലഭ്യമാക്കാനും സർക്കാർ ഉടനടി നടപടി സ്വീകരിക്കണമെന്ന് പ്രതിഷേധത്തിൽ ആവശ്യപ്പെട്ടു.
പഞ്ചായത്ത് പ്രസിഡന്റ് നാഷാദ് കണ്ണയത്ത്, മുസ്താഖ് ചേറൂർ സിദ്ദീഖ് എന്നിവർ നേതൃത്വം നൽകി.