കെട്ടിടത്തിന്റെ അറുപത്തിയാറാം നിലയിൽ നിന്ന് വീണ് ദുബായിൽ പതിനാറുങ്ങൽ സ്വദേശി മരിച്ചു. ആണിത്തറ പതിനാറുങ്ങൽ അയിമ്പാടി മുഹസിൻ (23) ആണ് മരിച്ചത്.
ദുബായ് റാസൽ ഖോറിലുള്ള ടവറിന്റെ 66-ാം നിലയിൽ നിന്നും താഴേക്ക് വീണാണ് മരിച്ചത്. തിങ്കളാഴ്ച രാവിലെയായിരുന്നു സംഭവം.
ഏഴ് മാസം മുമ്പാണ് ദുബായിൽ എത്തിയത്. ആദ്യമായാണ് ഗൾഫിൽ പോകുന്നത്. നിർമ്മാണ ജോലി ചെയ്തു വരികയായിരുന്നു.
പിതാവ്: മുസ്തഫ. മാതാവ്: സുമയ്യ. സഹോദരങ്ങൾ: മുഫീന, സഫ്‌വാൻ.