വേങ്ങര: വേങ്ങര കമ്മ്യൂണിറ്റി ഹെൽത്ത് സെന്ററും (CHC) ജി.എം.വി.എച്ച്.എസ്.എസ്. നാഷണൽ സർവീസ് സ്കീം (NSS) യൂണിറ്റും സംയുക്തമായി ലോക മാനസികാരോഗ്യ ദിനം ആചരിച്ചു. വേങ്ങര ബ്ലോക്ക് പഞ്ചായത്ത് വൈസ് പ്രസിഡന്റ് പി.ടി. ജുസൈറ മൻസൂർ പരിപാടി ഉദ്ഘാടനം ചെയ്തു.
ഗ്രാമപഞ്ചായത്ത് സ്ഥിരം സമിതി ചെയർപേഴ്സൺ ഇ.കെ. സുബൈർ മാസ്റ്റർ ചടങ്ങിൽ അധ്യക്ഷത വഹിച്ചു. മാനസികാരോഗ്യത്തിന്റെ പ്രാധാന്യത്തെക്കുറിച്ചും സംരക്ഷണ മാർഗ്ഗങ്ങളെക്കുറിച്ചും എ.എച്ച്. നിമിഷ ബോധവത്കരണ ക്ലാസെടുത്തു.
മെഡിക്കൽ ഓഫീസർ ഡോ. ഷാജി അറക്കൽ, ഹെൽത്ത് ഇൻസ്പെക്ടർ (H.I.) ശിവദാസൻ, പബ്ലിക് ഹെൽത്ത് നഴ്സ് (P.H.N.) ഷീല എന്നിവർ ചടങ്ങിൽ സംസാരിച്ചു. വൻജനപങ്കാളിത്തത്തോടെയാണ് ദിനാചരണ പരിപാടികൾ സംഘടിപ്പിച്ചത്.