തിരൂരങ്ങാടി: എം ഡി എം എയും കഞ്ചാവുമായി രണ്ടുപേർ തിരൂരങ്ങാടിയിൽ പിടിയിലായി. വേങ്ങര ചേറൂർ മിനി കാപ്പിൽ മൂട്ടപ്പറമ്പൻ അബ്ദുൽ റഊഫ് (26), ഊരകം കുറ്റാളൂർ തോട്ടക്കോടൻ മുഹമ്മദ് മുഹ്സിൻ (23) എന്നിവരെയാണ് തിരൂരങ്ങാടി ഇൻസ്പെക്ടർ കെ.ടി. ശ്രീനിവാസനും സംഘവും പിടികൂടിയത്.
ഇവരിൽ നിന്ന് 5.280 ഗ്രാം എം ഡി എം എയും 186 ഗ്രാം കഞ്ചാവും പിടികൂടി. കാറിൽ വന്ന ഇവരെ തിരൂരങ്ങാടി പനമ്പുഴ റോഡിൽ ഗ്യാസ് ഏജൻസിക്ക് സമീപത്ത് വെച്ചാണ് പിടികൂടിയത്.
ഇൻസ്പെക്ടർക്ക് പുറമെ എസ് ഐ എൻ.മുഹമ്മദ് റഫീഖ്, എ എസ് ഐ സജിനി, സി പി ഒ മാരായ ലക്ഷ്മണൻ, അമർനാഥ് എന്നിവരും ഡാൻസാഫ് ടീമും സംഘത്തിലുണ്ടായിരുന്നു.