വേങ്ങര: മുഖ്യമന്ത്രിയുടെ 12 ഇന പ്രത്യേക പരിപാടിയുടെ ഭാഗമായി കേരള സർക്കാർ ഫിഷറീസ് വകുപ്പ് നടപ്പിലാക്കുന്ന "ജനകീയ മത്സ്യകൃഷി -പൊതു കുളങ്ങളിലെ മത്സ്യ നിക്ഷേപം" പദ്ധതിയുടെ ഭാഗമായി വിവിധ കുളങ്ങളിൽ വളർത്ത് മത്സ്യങ്ങളെ നിക്ഷേപിച്ചു.
വേങ്ങര പഞ്ചായത്ത് 14-ലാം വാർഡ് വലിയോറ പാടത്തെ വിവിധ കുളങ്ങളിൽ കാർപ്പ് വിഭാഗത്തിൽ പെട്ട മത്സ്യകുഞ്ഞുങ്ങളെയാണ് നിക്ഷേപിച്ചത്.
വാർഡ് മെമ്പർ ആസ്യാ മുഹമ്മദ് മത്സ്യകുഞ്ഞുങ്ങളെ നിക്ഷേപിച്ച് ഉദ്ഘാടനം നിർവഹിച്ചു. അൻവർ മാട്ടിൽ, ജൂറൈജ് കാട്ടിൽ,സുഹൈൽ, റാഷിദ് എ.കെ, നൗഫൽ എ.കെ തുടങ്ങിയവർ പങ്കെടുത്തു.