തിരൂരങ്ങാടി: തിരൂരങ്ങാടി നഗരസഭ പരിധിയിലെ മമ്പുറം മേൽപ്പാലം, ചെമ്മാട് ടൗൺ എന്നിവിടങ്ങളിലെ തെരുവ് വിളക്കുകൾ കണ്ണടച്ചിട്ട് മാസങ്ങളായെങ്കിലും,പരാതി നൽകിയിട്ടും അന്വേഷണമോ ഇടപെടലുകളോ നടത്താത്തതിൽ അടിയന്തരമായി ഇടപെടണമെന്ന് ആവശ്യപ്പെട്ടുകൊണ്ട് തിരൂരങ്ങാടി നഗരസഭ ചെയർമാൻ കെ പി മുഹമ്മദ് കുട്ടിക്ക് ആം ആദ്മി ഭാരവാഹികൾ നിവേദനം നൽകുകയും അടിയന്തരമായി വിഷയത്തിൽ ഇടപെടണമെന്ന് ആവശ്യപ്പെടുകയും ചെയ്തു.
തെരുവ് വിളക്കുകൾ പ്രകാശിക്കാത്തതിൽ അവ പ്രവർത്തിപ്പിക്കുന്നതിൽ അധികാരികളുടെ ഭാഗത്തുനിന്നുള്ള നിസ്സംഗതയെയും മാജിക് ക്രിയേഷൻ കമ്പനിയുടെ ഒളിച്ചുകളിയും ചെയർമാനെ ബോധിപ്പിച്ചു. തിരൂരങ്ങാടി മണ്ഡലം ആം ആദ്മി പാർട്ടിയുടെ ഭാരവാഹികളായ അബ്ദുൽ റഹിം പൂക്കത്ത് , ഫൈസൽ ചെമ്മാട് എന്നിവരുടെ നേതൃത്വത്തിലാണ് ചെയർമാനെ സന്ദർശിച്ചത്. സ്ട്രീറ്റ് ലൈറ്റ് സ്ഥാപിച്ചു പൊതു ജനങ്ങൾക്ക് വഴി വെളിച്ചം സ്ഥാപിച്ചു നൽകുക, അവ പരിപാലിക്കുക എന്നീ ഉത്തരവാദിത്വങ്ങൾ അതാത് തദ്ദേശ സ്വയം ഭരണ സ്ഥാപനങ്ങൾക്കാണ് ഉള്ളതെങ്കിലും, ഇവിടെ പരസ്പരം പഴിചാരി അധികൃതർ ഉത്തരവാദിത്വത്തിൽ നിന്ന് ഒഴിഞ്ഞു മാറുകയാണെന്നും ചെയർമാനെ ധരിപ്പിച്ചു.
വിഷയം പത്രവാർത്തകളിലൂടെ ശ്രദ്ധയിൽപ്പെട്ടിട്ടുണ്ടെന്നും രണ്ടുദിവസത്തിനകം തെരുവ് വിളക്കുകൾ പ്രവർത്തിപ്പിക്കുന്നതിനുള്ള നടപടി സ്വീകരിക്കുമെന്നും ചെയർമാൻ ഭാരവാഹികൾക്ക് ഉറപ്പു നൽകി.