ചേറൂർ: പഴമയെയും പാരമ്പര്യത്തെയും ഓർമിപ്പിച്ചുകൊണ്ട് കർക്കിടമാസത്തിലെ ഏറെ ഔഷധമൂല്യമുള്ള കർക്കിടക കഞ്ഞി തയ്യാറാക്കി നാട്ടുകാർക്കും വിദ്യാർത്ഥികൾക്കും വിതരണം ചെയ്ത് വേങ്ങര ചേറൂർ പി പിടിഎം വൈ ഹയർ സെക്കൻഡറി സ്കൂൾ വിദ്യാർത്ഥികൾ.
ഭൂമിത്രസേനയിലെയും എൻ എസ് എസ്സിലെയും അംഗങ്ങളായ കെ കെ നംഷിദ, എം ശിഫ, ഷഹദ കാപ്പിൽ, ആയിഷ തമന്ന തുടങ്ങിയ വിദ്യാർത്ഥികളുടെ നേതൃത്വത്തിലാണ് ഔഷധക്കഞ്ഞി തയ്യാറാക്കിയത്.
കോട്ടക്കൽ വൈദ്യശാലയിലെ രാജീവ് വൈദ്യർ പാചകത്തിന് നേതൃത്വം നൽകി. ഔഷധ കഞ്ഞി വിതരണം കണ്ണമംഗലം ഗ്രാമപഞ്ചായത്ത് ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൺ തയ്യിൽ റൈഹാനത്ത് നിർവഹിച്ചു.
പ്രിൻസിപ്പൽ പി ടി ഹനീഫ, കെ പി അസീസ്,പി കെ ഗഫൂർ,ഫൈസൽ വ്ലോഗർ പി സകരിക്ക,എൻ എസ് എസ് പ്രോഗ്രാം ഓഫീസർ ടി റാഷിദ്, ഭൂമിത്ര സേന കോർഡിനേറ്റർ കെ ടി ഹമീദ്, എ എം നവാസ് കെ ടി അബൂബക്കർ തുടങ്ങിയവർ സംസാരിച്ചു.