തിരൂരങ്ങാടി: ചെമ്മാട് ദാറുല് ഹുദ ഇസ്ലാമിക് യൂണിവേഴ്സിറ്റിയിലേക്ക് പ്രതിഷേധ മാര്ച്ച്. കുടിവെള്ളം മലിനമാക്കുന്നു, പാടം മണ്ണിട്ട് നികത്തുന്നു എന്നാരോപിച്ചാണ് സിപിഐഎം തിരൂരങ്ങാടി ഏരിയ കമ്മിറ്റിയുടെ നേതൃത്വത്തിൽ മാർച്ച് നടത്തിയത്. ദാറുല് ഹുദയില് നിന്ന് ഒഴുക്കിവിടുന്ന മലിന ജലത്തിന് പരിഹാരം കാണുക, മാനിപ്പാടം മണ്ണിട്ട് നികത്തുന്നത് അവസാനിപ്പിക്കുക എന്നീ ആവശ്യങ്ങളാണ് മാര്ച്ചില് ഉന്നയിച്ചത്.
സമസ്ത കേരള ജംഇയ്യത്തുല് ഉലമ കേന്ദ്ര മുശാവറ അംഗം ബഹാഉദ്ദീന് നദ്വിയാണ് യൂണിവേഴ്സിറ്റിയുടെ വൈസ് ചാന്സലര്. ബഹാഉദ്ദീന് നദ്വിക്കെതിരെ രൂക്ഷവിമര്ശനമാണ് മാര്ച്ചിന് ശേഷം നടന്ന യോഗത്തില് സിപിഐഎം ഉന്നയിച്ചത്.