വേങ്ങര: ബഡ്സ് ഒളിമ്പിയ 2025 ഭിന്നശേഷിക്കാരായ വിദ്യാർത്ഥികൾക്കുള്ള ജില്ലാതല കായികമേളയിൽ തന്റെ മിന്നും വേഗത കൊണ്ട് കാണികളെ അമ്പരപ്പിച്ച മുഹമ്മദ് എ ഉഫൈസ് വിദ്യാർത്ഥികളുടെ ഹീറോയായി.
ഈ വർഷം സ്ഥാപിതമായ അങ്ങാടിപ്പുറം ബഡ്സ് സ്കൂൾ വിദ്യാർത്ഥിയായ ഉഫൈസ് ആദ്യമായാണ് ബഡ്സ് ജില്ലാതല കായികമേളയിൽ പങ്കെടുക്കുന്നത്. തന്റെ പരിചയക്കുറവും, പോരായ്മയും വക വെക്കാതെ സഹ മത്സരാർഥികളെ ബഹുദൂരം പിന്നിലാക്കിയാണ് മുഹമ്മദ് ഉഫൈസ് ജൂനിയർ വിഭാഗം 100 മീറ്റർ ഓട്ടത്തിൽ ഒന്നാമനായത്.