വേങ്ങര: ആവേശകരമായ ജനപങ്കാളിത്തത്തോടെ വേങ്ങര പഞ്ചായത്ത് യുഡിഎഫ് തെരഞ്ഞെടുപ്പ് കൺവെൻഷൻ സംഘടിപ്പിച്ചു. യുഡിഎഫ് സ്ഥാനാർത്ഥി കെ.എം. ഷാജി കൺവെൻഷനിൽ മുഖ്യപ്രഭാഷണം നടത്തി വോട്ടഭ്യർത്ഥിച്ചു. നിലവിലെ രാഷ്ട്രീയ സാഹചര്യത്തിൽ യുഡിഎഫിന്റെ വിജയം അനിവാര്യമാണെന്നും പ്രവർത്തകർ സജീവമായി രംഗത്തിറങ്ങണമെന്നും അദ്ദേഹം ആഹ്വാനം ചെയ്തു.
പഞ്ചായത്ത് യുഡിഎഫ് ചെയർമാൻ കെ. രാധാകൃഷ്ണൻ മാസ്റ്റർ അധ്യക്ഷത വഹിച്ച ചടങ്ങിൽ മണ്ഡലം യുഡിഎഫ് ചെയർമാൻ പി.എ. ചെറീത് പങ്കെടുത്തു. തെരഞ്ഞെടുപ്പ് പ്രവർത്തനങ്ങൾ ഏകോപിപ്പിക്കുന്നതിനും യുഡിഎഫിന്റെ വിജയം ഉറപ്പാക്കുന്നതിനുമുള്ള കർമ്മപദ്ധതികൾക്ക് കൺവെൻഷൻ രൂപം നൽകി.
മണ്ഡലം കൺവീനർ അലി അക്ബർ, പി.കെ. അസ്ലു, കെ.പി. അബ്ദുൽ മജീദ്, വി.കെ. മജീദ്, വി.പി.എ. റഷീദ് എന്നിവർ സംസാരിച്ചു. വേങ്ങര ഗ്രാമപഞ്ചായത്ത് പ്രസിഡന്റ് എൻ.ടി. കുഞ്ഞുട്ടി, എ.കെ.എ. നസീർ, പി.പി. ആലിപ്പു, പി.പി.എ. ബാവ, മാളിയേക്കൽ സൈതലവി ഹാജി, പറങ്ങോത്ത് അബ്ദുൽ അസീസ് എന്നിവരും ചടങ്ങിൽ സന്നിഹിതരായിരുന്നു.
കൂടാതെ, സാദിക്ക് മൂഴിക്കൽ, ടി.കെ. മൂസക്കുട്ടി, കെ. ഗംഗാധരൻ, ടി.കെ. പൂച്ചിയാപ്പു, കൺവീനർ ടി.വി. ഇക്ബാൽ, പറമ്പിൽ അബ്ദുൽ ഖാദർ, എ.കെ. നാസർ, കോയിസൻ മായിൻകുട്ടി, ഹാരിസ് മാളിയേക്കൽ, സോമൻ ഗാന്ധിക്കുന്ന്, എം.ടി. അസൈനാർ ഫൈസൽ, അമീൻ കള്ളിയത്ത്, ഫത്താഹ് മൂഴിക്കൽ തുടങ്ങി യുഡിഎഫിന്റെ വിവിധ തലങ്ങളിലുള്ള നേതാക്കൾ കൺവെൻഷനെ അഭിസംബോധന ചെയ്ത് സംസാരിച്ചു. വരും ദിവസങ്ങളിൽ വാർഡ് തലങ്ങളിൽ കുടുംബ സംഗമങ്ങളും സ്ക്വാഡ് പ്രവർത്തനങ്ങളും ശക്തമാക്കാൻ കൺവെൻഷൻ തീരുമാനിച്ചു.