മലപ്പുറം: സമസ്ത കേരള ജംഇയ്യത്തുൽ ഉലമ കേന്ദ്ര മുശാവറ അംഗവും പ്രമുഖ പണ്ഡിതനുമായ ടി.എസ്. ഇബ്രാഹിം കുട്ടി മുസ്ലിയാർ അന്തരിച്ചു. പ്രശസ്ത പണ്ഡിതൻ ഖുതുബി മുഹമ്മദ് മുസ്ലിയാരുടെ മകൾ ഫാത്തിമയുടെയും ടി.എസ്. അലവി മുസ്ലിയാരുടെയും മകനാണ് അദ്ദേഹം.
മതവിദ്യാഭ്യാസ രംഗത്തും സംഘടനാ രംഗത്തും ദീർഘകാലം സജീവമായി പ്രവർത്തിച്ചിരുന്ന അദ്ദേഹം പാണ്ഡിത്യം കൊണ്ടും ലാളിത്യം കൊണ്ടും ജനശ്രദ്ധയാകർഷിച്ച വ്യക്തിത്വമായിരുന്നു. അദ്ദേഹത്തിന്റെ വേർപാട് സമുദായത്തിന് വലിയൊരു നഷ്ടമാണ്.