വേങ്ങര: ചേലമ്പ്രയിൽ വെച്ച് നടന്ന സീനിയർ ബാഡ്മിന്റൺ ടൂർണമെന്റിൽ വേങ്ങര കിങ്സ് അക്കാദമിക്ക് അഭിമാന നേട്ടം. ആവേശകരമായ മത്സരത്തിനൊടുവിൽ വേങ്ങര കിങ്സ് അക്കാദമിയിലെ എ.കെ നാസർ, പ്രജേഷ് സഖ്യം ടൂർണമെന്റിൽ റണ്ണേഴ്സ് അപ്പായി തിരഞ്ഞെടുക്കപ്പെട്ടു.
വിവിധയിടങ്ങളിൽ നിന്നുള്ള പ്രമുഖ ടീമുകൾ പങ്കെടുത്ത ടൂർണമെന്റിൽ മികച്ച പ്രകടനമാണ് ഇരുവരും കാഴ്ചവെച്ചത്. ഫൈനലിൽ നടന്ന വാശിയേറിയ പോരാട്ടത്തിനൊടുവിലാണ് ഇവർ രണ്ടാം സ്ഥാനം കരസ്ഥമാക്കിയത്. വേങ്ങരയിലെ കായിക മേഖലയിൽ നിന്നുള്ള പ്രമുഖരും കിങ്സ് അക്കാദമി അംഗങ്ങളും വിജയികളെ അഭിനന്ദിച്ചു.