വേങ്ങര: മണ്ഡലത്തിലെ കടുത്ത യാത്രാ പ്രയാസങ്ങൾക്ക് ലഘൂകരണമുണ്ടാക്കുന്നതിനും, പൊതുജനങ്ങൾക്ക് സുരക്ഷിതവും സുഖകരവുമായ യാത്രാസൗകര്യം ഉറപ്പുവരുത്തുന്നതിനുമായി വേങ്ങരയിൽ കെ.എസ്.ആർ.ടി.സി. സർവീസ് ആരംഭിക്കണമെന്ന് ആവശ്യപ്പെട്ട് കെ എം ഷാജി എംഎൽഎ തദ്ദേശ സ്വയംഭരണ വകുപ്പ് മന്ത്രിക്ക് നിവേദനം സമർപ്പിച്ചു. ഇബ്രാഹിം വെട്ടിക്കാട്ടിലാണ് നിവേദനം കൈമാറിയത്.
അപകടരഹിതമായ ഡ്രൈവിംഗും യാത്രക്കാർക്ക് ആശ്വാസം പകരുന്ന ഇരിപ്പിട സൗകര്യങ്ങളുമാണ് കെ.എസ്.ആർ.ടി.സി.യെ ജനകീയമാക്കുന്നത്. മണ്ഡലത്തിലെ സ്ത്രീകൾക്ക് സൗജന്യ യാത്രാ ആനുകൂല്യങ്ങൾ ഉൾപ്പെടെ ലഭ്യമാക്കിക്കൊണ്ട്, 'എം.എൽ.എ. സർവീസ്' എന്ന നിലയിൽ കെ.എസ്.ആർ.ടി.സി. ബസുകൾ വേങ്ങര റൂട്ടിൽ ഓടിക്കണമെന്നാണ് നിവേദനത്തിലെ പ്രധാന ആവശ്യം.
നിറഞ്ഞൊഴുകുന്ന സദസ്സിനെ സാക്ഷിയാക്കി ഇബ്രാഹിം വെട്ടിക്കാട്ടിൽ ബഹു: മന്ത്രിക്ക് നിവേദനം സമർപ്പിച്ചു.
ചടങ്ങിൽ (വേങ്ങര ബ്ലോക്ക് പഞ്ചായത്ത് പ്രസിഡന്റ്) സയ്യിദ് അബ്ദുല്ല മൻസൂർ കോയ തങ്ങൾ, (ഊരകം പഞ്ചായത്ത് പ്രസിഡന്റ്) അഫ്രീന അഷറഫ് പി കെ, (ജില്ലാ പഞ്ചായത്ത് സ്റ്റാൻഡിങ് കമ്മിറ്റി ചെയർമാൻ )പി. കെ. അസ് ലു, (വേങ്ങര ബ്ലോക്ക് പഞ്ചായത്ത് സ്റ്റാൻഡിങ് കമ്മിറ്റി ചെയർമാൻ) പാണ്ടിക്കടവത്ത് അബു താഹിർ, (KVVES മണ്ഡലം ജനറൽ സെക്രട്ടറി )എം. കെ. സൈനുദ്ദീൻ ഹാജി, സൗദ അബു താഹിർ,മജീദ് എം കെ,അബൂബക്കർ മാഷ്,രമേശ് നാരായണൻ,ഹുസൈൻ ഊരകം അടക്കമുള്ള പ്രമുഖ നേതാക്കളും ജനപ്രതിനിധികളും പങ്കെടുത്തു.