കോട്ടക്കൽ: ഐ.എസ്.എം. സംസ്ഥാന സമിതിയുടെ കീഴിൽ നടന്നു വരുന്ന അന്താരാഷ്ട്ര ഖുർആൻ പഠന പദ്ധതിയായ 'വെളിച്ചം' 22-ാം ഘട്ടത്തിന്റെ ഭാഗമായി, ഐ.എസ്.എം. കോട്ടക്കൽ മണ്ഡലം കമ്മിറ്റി സംഘടിപ്പിച്ച "സ്ട്രീറ്റ് ലൈറ്റ്" പ്രോഗ്രാം ശ്രദ്ധേയമായി. കഴിഞ്ഞ ദിവസം (ജൂൺ 7) സബാഹ് സ്ക്വയറിൽ വച്ചാണ് പരിപാടി സംഘടിപ്പിച്ചത്.
പൊതുജനങ്ങളിലേക്ക് ഖുർആൻ സന്ദേശം എത്തിക്കുക എന്ന ലക്ഷ്യത്തോടെ നടത്തിയ പരിപാടിയിൽ 80-ലധികം വെളിച്ചം പഠന കോപ്പികൾ വിതരണം ചെയ്തു.
പ്രോഗ്രാമിന്റെ ഭാഗമായി പൊതുജനങ്ങൾക്കായി സംഘടിപ്പിച്ച ഖുർആൻ ക്വിസ് മത്സരം ഏറെ ജനപങ്കാളിത്തം കൊണ്ട് ശ്രദ്ധേയമായി.
ക്വിസ് മത്സരത്തിൽ ശരിയായ ഉത്തരം നൽകിയവർക്ക് വേദിയിൽ വെച്ച് തന്നെ ആകർഷകമായ സമ്മാനങ്ങളും വിതരണം ചെയ്തു.
ഐ.എസ്.എം. മലപ്പുറം വെസ്റ്റ് ജില്ലാ പ്രതിനിധികളായ ഫിറോസ് ബാബു, മുബാറക്. എം എന്നിവർ ക്വിസ് മത്സരങ്ങൾക്ക് നേതൃത്വം നൽകി. മലപ്പുറം വെസ്റ്റ് ജില്ലാ പ്രതിനിധികളും കോട്ടക്കൽ മണ്ഡലം ഭാരവാഹികളും പരിപാടിയിൽ സജീവമായി പങ്കെടുത്തു.
ഫിറോസ് ബാബു, മുബാറക് എം, അനീസ് കുഴിപ്പുറം, നാസിം കുഴിപ്പുറം, അനീസ് കുറുക, ജബ്ബാർ ടി.വി, ഹാരിസ് കുറുക, നൗഷാദ് മുതലാമാട്, ഹാരിസ് മുതലാമാട്, അബ്ദുള്ള ടി.വി, ഷഫീക് കുഴിപ്പുറം, മുഹ്സിൻ കോട്ടക്കൽ തുടങ്ങിയ പ്രമുഖർ പരിപാടിക്ക് നേതൃത്വം നൽകുകയും പങ്കാളിത്തം വഹിക്കുകയും ചെയ്തു.