ഊരകം: ഊരകം ഗ്രാമപഞ്ചായത്തും ഐ എസ് എ കോട്ടൂർ സോഷ്യൽ വെൽഫെയർ സൊസൈറ്റി ജൽ ജീവൻ മിഷനും സംയുകതമായി നടപ്പിലാക്കുന്ന അങ്കണവാടി കുട്ടികൾക്കുള്ള ബാഗ് വിതരണം ഊരകം ഗ്രാമ പഞ്ചായത്ത് പ്രസിഡന്റ്‌ സയ്യിദ് മൻസൂർ കോയ തങ്ങൾ ഉദ്ഘാടനം നിർവഹിച്ചു.
പരിപാടിയിൽ ഗ്രാമ പഞ്ചായത്ത് വൈസ് പ്രസിഡന്റ്‌ മൈമൂന അധ്യക്ഷത വഹിച്ചു. ക്ഷേമ കാര്യസ്റ്റാന്റിങ് കമ്മറ്റി ചെയർപേഴ്സൺ സമീറ കരിമ്പൻ, വികസന സ്റ്റാന്റിങ് കമ്മറ്റി ചെയർമാൻ അഷ്‌റഫ്‌, ആരോഗ്യ വിദ്യാഭ്യാസ സ്റ്റാന്റിങ് കമ്മറ്റി ചെയർമാൻ ഹംസ വി കെ, മെമ്പർമാരായ ഷെറീന, ഷിബു, ഐ സി ഡി എസ് സൂപ്പർ വൈസർ ജംഷീദ എന്നിവർ ആശംസകൾ അർപ്പിച്ചു.
പഞ്ചായത്ത് പടി മാതൃക അംഗനവാടിയിൽ വെച്ച് നടത്തിയ പരിപാടിയിൽ ഉമ്മുകുൽസു സ്വാഗതവും അംഗനവാടി ടീച്ചർ നന്ദിയും പറഞ്ഞു.