ഊരകം: ഗ്രാമപഞ്ചായത്തിന് കീഴിലുള്ള ജി.എൽ.പി സ്കൂൾ കാരാതോട് 1.25 കോടി രൂപയുടെ വികസന പ്രവർത്തനങ്ങളുടെ തുടക്കം പ്രതിപക്ഷ ഉപനേതാവ് പി കെ കുഞ്ഞാലിക്കുട്ടി നിർവഹിച്ചു. പഞ്ചായത്ത് പ്രസിഡന്റ് കെ കെ അബ്ദുള്ള മൻസൂർ കോയതങ്ങൾ അധ്യക്ഷത വഹിച്ചു.
ചടങ്ങിൽ ഗ്രാമപഞ്ചായത്ത് ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ ഹംസ ഹാജി, വാർഡ് മെമ്പർ പി കെ അബുത്വാഹിർ, സ്കൂൾ പി ടി എ പ്രസിഡന്റ് പി കെ മർസൂഖ്, ഹെഡ്മാസ്റ്റർ പി. കുഞ്ഞി മുഹമ്മദ് മാസ്റ്റർ, പി ടി മൊയ്തീൻ കുട്ടി മാസ്റ്റർ എന്നിവർ സംസാരിച്ചു.