വേങ്ങര: കൊടും ചൂടിൽ വേങ്ങര ഗ്രാമപഞ്ചായത്ത് സായംപ്രഭയിൽ വരുന്നവർക്ക് ആശ്വാസവുമായി വേങ്ങര കേന്ദ്രീകരിച്ച് പ്രവർത്തിക്കുന്ന മുണ്ടിയാൻ തടം വാട്സപ്പ് ഗ്രൂപ്പ്, ഗ്രൂപ്പിന്റെ സഹായത്താൽ ഹോമിൽ എ സി സ്ഥാപിച്ചു.
എസിയുടെ സ്വിച്ച് ഓൺ കർമ്മം പഞ്ചായത്ത് പ്രസിഡന്റ് ഹസീന ഫസലിന്റെ അധ്യക്ഷതയിൽ ഹോമിൽ ഹാജറായവരിൽ ഏറ്റവും പ്രായം കൂടിയ വ്യക്തിയായ കുഞ്ഞുട്ടി എന്ന വേലായുധൻ നിർവഹിച്ചു.
പഞ്ചായത്ത് സ്റ്റാൻഡിങ് കമ്മറ്റി ചെയർമാൻ എ കെ സലീം, വാർഡ് മെമ്പർമാരായ റഫീഖ് മൊയ്തീൻ, അബ്ദുൽ കരീം, ഗ്രൂപ്പ് അഡ്മിന്മാരായ സക്കീർ വേങ്ങര, മീരാൻ, ദിലീപ് എന്നിവർ ചടങ്ങിൽ പങ്കെടുത്തു.
ഗ്രൂപ്പിന്റെ ചീഫ് അഡ്മിൻ ഇക്ബാൽ പുല്ലൻപലവൻ വിദേശത്തുനിന്ന് ഓൺലൈനിൽ ആശംസ അറിയിച്ചു.