കോട്ടക്കൽ കേന്ദ്രമായി രൂപീകരിച്ച ഹൈദരലി ശിഹാബ് തങ്ങൾ ഫൗണ്ടേഷൻ ഫോർ സോഷ്യൽ എംപവർമെന്റ് യു.എ.ഇ. ചാപ്റ്ററിന്റെ പ്രഥമയോഗം 2025 ഫെബ്രുവരി 9 ഞാറാഴ്ച ഫുജൈറയിൽ വെച്ച് ചേർന്നു.
വിദ്യാഭ്യാസ സാമൂഹിക ഉന്നമനം, തൊഴിൽ, ആരോഗ്യസംരക്ഷണം, കായികം, സാമ്പത്തിക ശാക്തീകരണം, സാമൂഹിക ക്ഷേമം മനുഷ്യാവകാശങ്ങൾ, പരിസ്ഥിതി സംരക്ഷണം, കമ്മ്യൂണിറ്റി വികസനങ്ങൾ തുടങ്ങിയ പദ്ധതികളാണ് ഹൈദരലി ശിഹാബ് തങ്ങൾ ഫൗണ്ടേഷൻ ഫോർ സോഷ്യൽ എംപവർമെന്റിന് (ഹൈദരലി ശിഹാബ് തങ്ങൾ എഫ്.എസ്. ഇ )കീഴിൽ തുടക്കം കുറിക്കുന്നത്.
വേൾഡ് കെഎംസിസി ജനറൽ സെക്രട്ടറി ഡോ. പുത്തൂർ റഹ്‌മാൻ യോഗം ഉദ്ഘാടനം ചെയ്തു. മുസ്ലിം ലീഗ് കോട്ടക്കൽ മുനിസിപ്പൽ പ്രസിഡന്റ് കെ. കെ. നാസർ മുഖ്യഥിതി ആയിരുന്നു.
ദുബൈ കെഎംസിസി സംസ്ഥാന വൈസ് പ്രസിഡന്റ് ചെമ്മുക്കൻ യാഹു മോൻ ഹാജി, ദുബൈ മലപ്പുറം ജില്ലാ കെഎംസിസി വൈസ് പ്രസിഡന്റ് മുജീബ് കൂത്തുമാടൻ, അബുദാബി കെഎംസിസി മലപ്പുറം ജില്ലാ സെക്രട്ടറി ഷാഹിദ് ബിൻ മുഹമ്മദ്‌, ചെമ്മുക്കൻ, അബുദാബി മണ്ഡലം കെഎംസിസി സെക്രട്ടറി സബീൽ പരവക്കൽ, ദുബൈ കോട്ടക്കൽ മണ്ഡലം കെഎംസിസി സെക്രട്ടറി റാഷിദ്‌ കെ.കെ, ദുബൈ കോട്ടക്കൽ മുനിസിപ്പൽ കെഎംസിസി പ്രസിഡന്റ് മുസ്തഫ പുളിക്കൽ, കോട്ടക്കൽ മുനിസിപ്പൽ ഗ്ലോബൽ കെഎംസിസിയുടെയും അബുദാബി കോട്ടക്കൽ മുനിസിപ്പൽ കെഎംസിസിയുടെയും ജനറൽ സെക്രട്ടറി ഷഫീർ വില്ലൂർ, ദുബൈ കോട്ടക്കൽ മുനിസിപ്പൽ കെഎംസിസി വൈസ് പ്രസിഡന്റ് ശിഹാബ് ആമ്പാറ, അബുദാബി കോട്ടക്കൽ മുനിസിപ്പൽ കെഎംസിസി വൈസ് പ്രസിഡന്റ് നിസാർ വില്ലൂർ എന്നിവർ പങ്കെടുത്തു.