വേങ്ങര: പോരാടാം ലഹരിക്കെതിരെ..! ഒരുമിക്കാം നാടിന്റെ നന്മക്കായി എന്ന സന്ദേശവുമായി കോ-ഓപ്പറേറ്റീവ് എംപ്ലോയീസ് ഓർഗനൈസേഷൻ (സി.ഇ.ഒ) ജില്ലാ കമ്മിറ്റിയുടെ തീരുമാനപ്രകാരം വേങ്ങര സർവ്വീസ് സഹകരണ ബേങ്ക് യൂണിറ്റ് സംഘടിപ്പിച്ച ഒപ്പ് മതിലും ലഹരി വിരുദ്ധ പ്രതിജ്ഞയും ശ്രദ്ധേയമായി.
ബാങ്ക് ഡയറക്ടർ എ കെ നാസർ പരിപാടി ഉദ്ഘാടനം ചെയ്തു. ഹരിസ് മാളിയേക്കൽ മുഖ്യ പ്രഭാഷണം നടത്തി ബാങ്ക് ജീവനക്കാരും പ്രദേശ വാസികളായ നിരവധി ആളുകളും പങ്കെടുത്ത പരിപാടിയിൽ ലഹരി വിരുദ്ധ പ്രതിജ്ഞക്ക് സി ഇ ഒ തിരൂരങ്ങാടി താലൂക്ക് ട്രഷറർ അമീൻ കള്ളിയത്ത് നേതൃത്വം നൽകി.
KCEF തിരുരങ്ങാടി താലൂക്ക് പ്രസിഡൻ്റ് ഒ കെ വേലായുധൻ, ജാഫർ വി പി, റിയാസ് പാലേരി,ഫിറേസ് കണ്ണാട്ടിൽ എന്നിവർ പരിപാടിക്ക് ആശംസകൾ അറിയിച്ച് സംസാരിച്ചു.
ജുനൈദ് കെ അധ്യക്ഷത വാഹിച്ച പരിപാടിയിൽ സഹദ് പിലാക്കൽ സ്വാഗതവും അബു ലഫിൻ വി പി നന്ദിയും പറഞ്ഞു.