എ ആർ നഗർ: കൗമാര പ്രായക്കാരായ കുട്ടിയുടെ മാനസികാരോഗ്യത്തെ കുറിച്ച് രക്ഷിതാക്കളിൽ അവബോധം സൃഷ്ടിക്കുന്നതിനായി അബ്ദുറഹ്മാൻ നഗർ കുടുംബാരോഗ്യം മമ്പുറം പത്തൊമ്പതാം വാർഡിൽ ബോധവത്കരണ ക്ലാസ് സംഘടിപ്പിച്ചു. വാർഡ് മെമ്പർ ജുസൈറ മൻസൂർ ന്റെ അധ്യക്ഷതയിൽ നടന്ന പരിപാടി ശ്രീമതി ശ്രീജ സുനിൽ ഉദ്ഘാടനം ചെയ്തു. കൗമാരത്തെ അലട്ടുന്ന പ്രശ്നങ്ങളെ കുറിച്ചും, മികച്ച മാനസികാരോഗ്യമുള്ള ഒരു തലമുറയെ വാർത്തെടുക്കുന്നതിനുമുള്ള ബോധവൽക്കരണ ക്ലാസ് എ ആർ ന.ഗർ മെഡിക്കൽ ഓഫീസർ ഫൗസിയുടെ നേതൃത്വത്തിൽ നടന്നു.
രക്ഷിതാക്കളുടെ സംശയങ്ങൾക്കും ഡോക്ടർ മറുപടി നൽകി. മാനസിക സംഘർഷം കുറയ്ക്കുന്നതിനായി പി എച്ച് എൻ ജമീല കെ.പി മെഡിറ്റേഷൻ ചെയ്യാനുള്ള പരിശീലനം നൽകി.പരിപാടിയിൽ വാർഡ് മെമ്പർമാർ ആശാപ്രവർത്തകർ എന്നിവർ പങ്കെടുത്തു. എച്ച് ഐ മുഹമ്മദ് ഫൈസൽ ടിസ്വാഗതവും, ആശാവർക്കർ പ്രസീന നന്ദിയും പറഞ്ഞു.