വേങ്ങര: കേരളത്തിലെ വിവിധ ഭാഗങ്ങളിൽ വേരുകളുള്ള കൂനാരി - കൂനാരി തൂമ്പത്ത് - കൂനാരി പെഴുന്തറ തുടങ്ങി കുടുംബങ്ങളുടെ ഐക്യ വേദിയായ കൂനാരി കുടുംബ കൂട്ടായ്മ സെൻട്രൽ കമ്മിറ്റിയുടെ ആഭിമുഖ്യത്തിൽ നാളെ (വ്യാഴം) വേങ്ങര സുബൈദ പാർക്ക് ഓഡിറ്റോറിയത്തിൽ കുടുംബ സംഗമം നടക്കും. രാവിലെ 9 മണി മുതൽ വൈകുന്നേരം 6 മണി വരെ നടക്കുന്ന സംഗമത്തിൽ കുടുംബത്തിലെ മുതിർന്നവർക്കും പ്രതിഭകൾക്കുമുള്ള ആദരം, ഉദ്ബോദന പ്രഭാഷണം, മോട്ടിവേഷൻ & ബോധ വത്കരണ ക്ലാസ്, കുട്ടികളുടെയും മുതിർന്നവരുടെയും കലാപരിപാടികൾ, സ്നേഹ സമ്മാന വിതരണം, ഇശൽ വിരുന്ന് തുടങ്ങി വിവിധയിനം പരിപാടികൾ അരങ്ങേറും.
പി കെ കുഞ്ഞാലികുട്ടി എംഎൽഎ ഉദ്ഘാടനം ചെയ്യും. ആബിദ് ഹുസൈൻ തങ്ങൾ എംഎൽഎ മുഖ്യ പ്രഭാഷണം നടത്തും. സബാഹ് കുണ്ടു പുഴ ക്കൽ പങ്കെടുക്കും. വേങ്ങര സബ് ഇൻസ്പെക്ടർ കെ സുരേഷ് ബോധ വത്കരണ പ്രസംഗവും സിദ്ധീഖ് ഫൈസി വാളക്കുളം ധാർമിക ഉദ്ബോദന പ്രസംഗവും നടത്തും. ഇശൽ വിരുന്നിൽ സലീം കോടത്തൂർ & ഹന്ന സലീം മുഖ്യാഥിതി ആകും
അബ്ദുല്ല കുട്ടി ഹാജി എ ആർ നഗർ,
ലെഫ്.ഡോ . സാബു കെ റസ്തം,കമ്മു മാസ്റ്റർ, ഡോ. അലി, ആലി കുട്ടി ഹാജി,കെപി റസാഖ് മറ്റത്തൂർ, മജീദ് കെ പി മറ്റത്തൂർ, ഹനീഫ കെ പി മറ്റത്തൂർ,കെ പി കുഞ്ഞി മുഹമ്മദ്, ഷൗക്കത്തലി വേങ്ങര, കുഞ്ഞോൻ കെ ടി, മൊയ്തീൻ കോയ കെ ടി, മുസ്തഫ പൂക്കിപ്പറമ്പ് എന്നിവർ വാർത്താ സമ്മേളനത്തിൽ പങ്കെടുത്തു.