വേങ്ങര: വലിയോറ മാച്ചിസ്മോ ക്ലബ്ബിന്റെ സഹകരണത്തോടെ സിപിഎം നിർമിച്ച വീടിന്റെ താക്കോൽ നിർമാണ കമ്മിറ്റി ചെയർമാൻ പൂക്കയിൽ അബ്ദുൽ കരീം, കൺവീനർ പി. മുസ്തഫ, ട്രഷറർ പി. അച്യുതൻ എന്നിവർ ചേർന്ന് ഉടമയ്ക്ക് കൈമാറി.
അകാലത്തിൽ പൊലിഞ്ഞ വഴുതനയിൽ വിജിതിന്റെ കുടുംബത്തിനാണ് സിപിഎം വീടുവെച്ചുനൽകിയത്. വിജിതിന്റെ ഭാര്യ ജിഷീന താക്കോൽ ഏറ്റുവാങ്ങി. കുടുംബാംഗങ്ങൾ, ക്ലബ്ബ് പ്രവർത്തകർ, സിപിഎം പ്രവർത്തകർ എന്നിവർ ചടങ്ങിൽ പങ്കാളികളായി.