വേങ്ങര: ജൂനിയർ ചേംബർ ഇന്റർനാഷണൽ (JCI) വേങ്ങര ടൗണിന്റെ 2026 വർഷത്തേക്കുള്ള പ്രസിഡന്റ്-ഇലക്ടായി ജെസി. ഷമീൽ ഫർഹാനെ തിരഞ്ഞെടുത്തു. വേങ്ങരയിൽ നടന്ന സംഘടനയുടെ യോഗത്തിൽ അംഗങ്ങളുടെയും മുൻ പ്രസിഡന്റുമാരുടെയും സാന്നിധ്യത്തിലാണ് പ്രഖ്യാപനം നടന്നത്.
സമൂഹ വികസന രംഗത്തും യുവജന നേതൃപരിശീലന പ്രവർത്തനങ്ങളിലുമുള്ള സജീവ പങ്കാളിത്തത്തിലൂടെ ശ്രദ്ധേയനായ നേതാവാണ് ജെസി. ഷമീൽ ഫർഹാൻ. JCI പ്രവർത്തനങ്ങളിൽ അദ്ദേഹത്തിന്റെ സമർപ്പണവും സംഘടനാ കഴിവുകളും പരിഗണിച്ചാണ് പ്രസിഡന്റായി തെരഞ്ഞെടുത്തത്.
പ്രസിഡന്റ്-ഇലക്ട് സ്ഥാനത്തേക്കുള്ള തിരഞ്ഞെടുപ്പിന് ശേഷം സംസാരിച്ച ജെസി. ഷമീൽ ഫർഹാൻ, അംഗങ്ങളുടെ പിന്തുണയ്ക്ക് നന്ദി അറിയിക്കുകയും, സംഘടനയെ കൂടുതൽ സജീവമാക്കുന്നതിനും സമൂഹത്തിന് പ്രയോജനകരമായ പദ്ധതികൾ നടപ്പാക്കുന്നതിനുമാണ് മുൻഗണന നൽകുകയെന്നും അറിയിച്ചു.
ജെസി. ഷമീൽ ഫർഹാന്റെ നേതൃത്വത്തിൽ അംഗവികസനം, നേതൃപരിശീലനം, സാമൂഹിക പ്രതിബദ്ധത എന്നിവയിൽ കൂടുതൽ ശക്തമായ പ്രവർത്തനങ്ങൾക്കാണ് JCI വേങ്ങര ടൗൺ ലക്ഷ്യമിടുന്നത്.