വേങ്ങര: കണ്ണമംഗലം ഗ്രാമ പഞ്ചായത്തിൽ തദ്ദേശ സ്വയംഭരണ വകുപ്പ് സ്ഥാപനങ്ങളിലേക്ക് നടന്ന തെരഞ്ഞെടുപ്പുകളിൽ നാലാം തവണയും വിജയം കരസ്ഥമാക്കി കെ.പി. സരോജനി. 2010-2015 വർഷത്തിൽ കണ്ണമംഗലം ഗ്രാമ പഞ്ചായത്തിലെ പതിനഞ്ചാം വാർഡ് പടപ്പറമ്പിൽ നിന്നാണ് ആദ്യമായി മത്സര രംഗത്ത് എത്തുന്നത്. തുടർന്ന് 2015-2020 കാലയളവിൽ കോട്ടമാട് നിന്ന് മത്സരിച്ചു വിജയിച്ചു. എസ്.സി. ജനറൽ സംവരണ വാർഡ് ആയിരുന്നു അന്ന് പതിനൊന്നാം വാർഡായിരുന്ന കോട്ടമാട്. നാല് വർഷം ഈ കാലയളവിൽ കണ്ണമംഗലം ഗ്രാമ പഞ്ചായത്ത് പ്രസിഡൻ്റായി. 2020-2025 വർഷത്തിൽ മേമാട്ടുപാറ മൂന്നാം വാർഡിൽ ജനറൽ സീറ്റിൽ മത്സരിച്ചാണ് വിജയിച്ചത്. വികസന സ്റ്റാൻ്റിംഗ് കമ്മിറ്റി ചെയർപേഴ്സണായും ഈ കാലയളവിൽ പ്രവർത്തിച്ചു 2025 ഗ്രാമ പഞ്ചായത്ത് തെരഞ്ഞെടുപ്പിൽ പാലം തൊടു ഒന്നാം വാർഡിൽ നിന്നാണ് സരോജിനി വിജയിച്ചത്. മുട്ടും പുറം സ്വദേശിനിയായ കെ.പി. സരോജനി ആശാവർക്കറായിരുന്നു. നിലവിൽ വേങ്ങര നിയോജക മണ്ഡലം ദളിത് വനിത ലീഗ് പ്രസിഡൻ്റാണ്.