വേങ്ങര: അബ്ദുറഹിമാൻ നഗർ ഗ്രാമപഞ്ചായത്ത് ബ്ലിസ് ബഡ്സ് സ്പെഷ്യൽ സ്കൂളിൽ അന്താരാഷ്ട്ര ഭിന്നശേഷി ദിനം വിവിധ പരിപാടികളോടെ ആഘോഷിച്ചു. സ്കൂൾ പ്രധാനാധ്യാപിക മുർഷിദ ടീച്ചർ ഭിന്നശേഷി ദിന സന്ദേശം നൽകി. ഡി.എൽ. എസ്. എ അഡ്വക്കേറ്റ് ജിനു റാഷിക്, നിയമ ബോധവത്കരണ ക്ലാസ് കുട്ടികൾക്കും രക്ഷിതാക്കൾക്കും വേറിട്ട അനുഭവമായി. പി. ടി. എ പ്രസിഡൻ്റ് നൂറുദ്ദീൻ അരീക്കാടൻ സംസാരിച്ചു. കുട്ടികളുടെ വിവിധ കലാ പരിപാടികളോടൊപ്പം ഭിന്നശേഷി ദിന പോസ്റ്റർ നിർമാണവും നടന്നു. പുതിയങ്ങാടി അയ്നുൽ ഹുദാ സ്കൂളിലെ വിദ്യാർത്ഥികൾ ബ്ലിസ് ബഡ്സ് സ്കൂളിൽ ഭിന്നശേഷി സൗഹൃദ സന്ദർശനം നടത്തിയത് ശ്രദ്ധേയമായി.