പറപ്പൂർ: റമളാൻ മാസത്തോടനുബന്ധിച്ച് പറപ്പൂർ പഞ്ചായത്തിലെ പതിനേഴാം വാർഡിൽ നിന്ന് സമാഹരിച്ച ഫണ്ട് കൈമാറി. വാർഡ് ഭാരവാഹികളുടെ നേതൃത്വത്തിൽ പ്രദേശവാസികളിൽ നിന്നും മറ്റും സമാഹരിച്ച തുക പാലിയേറ്റീവ് പ്രസിഡന്റ് സി. അയമുദു മാസ്റ്റർക്ക് കൈമാറി.
പ്രദേശത്തെ അശരണരെ സഹായിക്കുന്നതിനും പാലിയേറ്റീവ് കെയർ പ്രവർത്തനങ്ങൾ ഊർജ്ജിതപ്പെടുത്തുന്നതിനുമായാണ് ഈ ഫണ്ട് വിനിയോഗിക്കുന്നത്. വിശുദ്ധ മാസത്തിലെ കാരുണ്യ പ്രവർത്തനങ്ങളുടെ ഭാഗമായി വലിയ ജനപങ്കാളിത്തത്തോടെയാണ് ഫണ്ട് ശേഖരണം പൂർത്തിയാക്കിയത്.
ഫണ്ട് കൈമാറ്റ ചടങ്ങിൽ വാർഡ് ഭാരവാഹികളായ സി.കെ. മുഹമ്മദലി മാസ്റ്റർ, ടി.സി. അബൂബക്കർ, കെ.ടി. ഷബീർ അലി, ഹനീഫ തുടങ്ങിയ പ്രമുഖർ പങ്കെടുത്തു. വാർഡിലെ ജീവകാരുണ്യ മേഖലയിൽ സജീവമായി ഇടപെടുന്ന ഭാരവാഹികളുടെ ഈ നീക്കത്തിന് വലിയ പ്രശംസയാണ് ലഭിക്കുന്നത്. വരും ദിവസങ്ങളിലും സമാനമായ പ്രവർത്തനങ്ങൾ തുടരുമെന്ന് ഭാരവാഹികൾ അറിയിച്ചു.