പുഴച്ചാൽ: ഗ്രാമത്തിലെ സാമൂഹിക പ്രവർത്തനങ്ങളിലും കുട്ടികളുടെ വളർച്ചയിലും നിർണ്ണായക പങ്ക് വഹിക്കുന്ന പുഴച്ചാൽ അംഗനവാടിയുടെ ഭൗതിക സാഹചര്യങ്ങൾ മെച്ചപ്പെടുത്തുന്നതിനായി എസ് എഫ് സി ക്ലബ്ബ് പുഴച്ചാൽ കസേരകൾ വിതരണം ചെയ്തു.
അംഗനവാടിയിൽ മീറ്റിംഗുകളും മറ്റ് അനുബന്ധ പരിപാടികളും നടത്തുന്നതിന് ആവശ്യമായ കസേരകൾ ഇല്ലാത്ത സാഹചര്യം പരിഗണിച്ചാണ് ക്ലബ്ബ് ഈ സഹായം എത്തിച്ചത്.
സാമൂഹിക ഉത്തരവാദിത്വത്തിന്റെ ഭാഗമായി അംഗനവാടി അധികൃതരുടെ അഭ്യർത്ഥന കണക്കിലെടുത്ത് 14 കസേരകളാണ് ക്ലബ്ബ് കൈമാറിയത്. ലളിതമായി നടന്ന ചടങ്ങിൽ SFC ക്ലബ്ബ് പുഴച്ചാൽ വുമൺസ് വിങ് (Women’s Wing) അംഗങ്ങളായ വനജ ടീച്ചർ, വിജിഷ സുകേഷ്, മിനി എന്നിവർ പങ്കെടുത്തു.
പ്രദേശത്തെ പൊതുവായ ആവശ്യങ്ങളിലും വിദ്യാഭ്യാസ മേഖലയിലും സജീവമായി ഇടപെടുന്ന എസ് എഫ് സി ക്ലബ്ബിന്റെ ഈ പ്രവർത്തനം പ്രാദേശികമായി ഏറെ പ്രശംസ പിടിച്ചുപറ്റി. അംഗനവാടിയുടെ ദൈനംദിന പ്രവർത്തനങ്ങൾക്കും രക്ഷിതാക്കളുടെ യോഗങ്ങൾക്കും പുതിയ കസേരകൾ വലിയ സഹായമാകുമെന്ന് അംഗനവാടി പ്രവർത്തകർ അറിയിച്ചു.