വേങ്ങര: ചേറൂർ അടിവാരം തൊട്ടിയിൽ കുഞ്ഞുട്ടിയുടെയും ഉഷയുടെയും മകൻ ബൈജു (45) അന്തരിച്ചു. നെഞ്ചുവേദനയെ തുടർന്ന് മലപ്പുറം ഓർക്കിഡ് ഹോസ്പിറ്റലിലും തുടർന്ന് കോട്ടക്കൽ എച്ച്.എം.എസ് ഹോസ്പിറ്റലിലും പ്രവേശിപ്പിച്ച അദ്ദേഹത്തിന് തീവ്രപരിചരണ വിഭാഗത്തിൽ ചികിത്സയിലിരിക്കെ ഹൃദയാഘാതം സംഭവിക്കുകയായിരുന്നു.
സോഫ്റ്റ്വെയർ എൻജിനിയറായ ബൈജു രാഷ്ട്രീയ രംഗത്ത് സജീവമായിരുന്നു. ബിജെപി മലപ്പുറം സെൻട്രൽ ജില്ലാ കൺവീനറായി പ്രവർത്തിച്ചു വരികയായിരുന്നു. കഴിഞ്ഞ ത്രിതല പഞ്ചായത്ത് തിരഞ്ഞെടുപ്പിൽ കണ്ണമംഗലം പഞ്ചായത്തിലെ 14-ാം വാർഡിൽ നിന്നും ബിജെപി സ്ഥാനാർഥിയായി മത്സരിച്ചിട്ടുണ്ട്.
• ഭാര്യ: സുജിത
• മകൻ: ആദിനാഥ്
• സഹോദരിമാർ: ഷജിനി, ഭജിനി
• സഹോദരി ഭർത്താക്കന്മാർ: വിനോദ് തൃത്താല, പ്രശാന്ത് മഞ്ചേരി
സംസ്കാര ചടങ്ങുകൾ ഇന്ന് (ബുധനാഴ്ച) ഉച്ചയ്ക്ക് 12 മണിക്ക് പൊന്നാനി ഈശ്വരമംഗലം സ്മശാനത്തിൽ വെച്ച് നടക്കും.