വേങ്ങര: മഴക്കാലത്തിന് മുമ്പേയുള്ള പകർച്ചവ്യാധി പ്രതിരോധ പ്രവർത്തനങ്ങളുടെ ഭാഗമായി കണ്ണമംഗലം ഗ്രാമപഞ്ചായത്തിൽ നടപ്പിലാക്കുന്ന ശുചീകരണ പ്രവർത്തനങ്ങൾക്ക് തുടക്കമായി. തോട്ടശ്ശേരിയറ അങ്ങാടിയിൽ സംഘടിപ്പിച്ച ശുചീകരണ യജ്ഞം ഗ്രാമപഞ്ചായത്ത് വൈസ് പ്രസിഡന്റ് ഹുസൈന് കാരിവട്ടത്ത് ഉദ്ഘാടനം ചെയ്തു. ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ ഷീന ചടങ്ങിൽ അധ്യക്ഷത വഹിച്ചു.
പരിസര ശുചിത്വവും രോഗാണു ഉറവിട നശീകരണവും ലക്ഷ്യമിട്ട് വാർഡ് തലങ്ങളിൽ വിപുലമായ പ്രവർത്തനങ്ങളാണ് ആസൂത്രണം ചെയ്തിട്ടുള്ളതെന്ന് ചടങ്ങിൽ സ്റ്റാൻഡിങ് കമ്മിറ്റി ചെയർപേഴ്സൺമാരായ സൈതു നെടുമ്പള്ളി, റൂഫിയ, യു. സക്കീന എന്നിവർ പറഞ്ഞു.
അസിസ്റ്റന്റ് സെക്രട്ടറി, ഹെൽത്ത് ഇൻസ്പെക്ടർ, ഹരിതകർമ്മ സേന അംഗങ്ങൾ, ആശാ വർക്കർമാർ, കുടുംബശ്രീ, രാഷ്ട്രീയ പാര്ട്ടി പ്രവര്ത്തകര്, വിവിധ സന്നദ്ധ സംഘടനകൾ, എന്നിവർ ശുചീകരണ പ്രവർത്തനങ്ങളിൽ പങ്കാളികളായി.