കണ്ണമംഗലം: അച്ചനമ്പലം പ്രീമിയർ ലീഗ് (APL) സീസൺ 1-ന്റെ ഔദ്യോഗിക ലോഗോ പ്രകാശനം ചെയ്തു. കണ്ണമംഗലം ഗ്രാമ പഞ്ചായത്ത് പ്രസിഡന്റ് ശ്രീമതി സമീറ പുളിക്കൽ ചടങ്ങിൽ ലോഗോ പ്രകാശനം നിർവഹിച്ചു.
കായിക പ്രേമികൾക്ക് പുത്തൻ ആവേശം പകർന്നുകൊണ്ട് സംഘടിപ്പിക്കുന്ന എ.പി.എൽ സീസൺ 1, അച്ചനമ്പലത്തിന്റെ കായിക ചരിത്രത്തിൽ പുതിയൊരു അധ്യായം കുറിക്കുമെന്നാണ് സംഘാടകരുടെ പ്രതീക്ഷ. ഫുട്ബോൾ ടൂർണമെന്റിന്റെ വിജയത്തിനായി എല്ലാ കായിക പ്രേമികളുടെയും പിന്തുണയും പ്രാർത്ഥനയും സംഘാടകസമിതി അഭ്യർത്ഥിച്ചു.
ചടങ്ങിൽ വാർഡ് മെമ്പർമാരായ സമീർ പുള്ളാട്ട്, നംഷാദ് അമ്പലവൻ, നൗഷാദ് ചേറൂർ എന്നിവരും, ടൂർണമെന്റ് കമ്മിറ്റി ഭാരവാഹികളും മറ്റ് പ്രമുഖ വ്യക്തികളും സന്നിഹിതരായിരുന്നു. ടൂർണമെന്റിന്റെ നടത്തിപ്പുമായി ബന്ധപ്പെട്ട തുടർപ്രവർത്തനങ്ങൾ ഉടൻ ആരംഭിക്കുമെന്ന് സംഘാടകർ അറിയിച്ചു.