കണ്ണമംഗലം സ്വദേശിയായ യുവാവിനെ നിലമ്പൂരിൽ ക്വാറിക്ക് സമീപം വീട്ടിൽ മരിച്ച നിലയിൽ കണ്ടെത്തി. വേങ്ങര കണ്ണമംഗലം മാങ്കുളം ചെറേക്കാട് സുരേഷ് (45) ആണ് മരിച്ചത്. നിലമ്പൂർ പുള്ളിപ്പാടം പെരിമ്പാറ പാറ ക്വാറിക്ക് സമീപം വീട്ടിൽ മരിച്ച നിലയിൽ കണ്ടെത്തുകയായിരുന്നു.
4 ദിവസം മുമ്പ് ക്വാറിയിൽ ജോലിയ്ക്കെത്തിയതാണ്. മറ്റു 3 പേർക്കൊപ്പമാണ് താമസിച്ചിരുന്നത്. 17 ന് രാത്രി ഉറങ്ങാൻ കിടന്നു. പുലർച്ചെ 5ന് മരിച്ച നിലയിൽ കണ്ടെത്തി. അസ്വാഭാവിക മരണത്തിന് കേസെടുത്തു. മൃതദേഹം പോസ്റ്റ്മോർട്ടത്തിന് മഞ്ചേരി മെഡിക്കൽ കോളജ് ആശുപത്രിയിലേക്ക് മാറ്റി.